නිවන

මුව අග හසරැලි හිත තුල නැත්තම්

වදනක මුදු බව හද තුල නැත්තම්

අනුන් ගේ දියුණුව උහුලන් නැත්තම්

නිවන් ලබන්නට කොහේදෝ වත්කම්

පැල ඉනිවැට ළග බවුන් වඩන සිත

තරගෙට බුදු ගෙයි බුදුන් වදින අත

තව කෙනෙකුගේ දුක දකින බැරි නෙත

කවදා කොයි ලෙස නිවන් දකින්නද

මුදලට මිනිසත් කම විකුණනවලු

රැපියල් සත ළග දනින් වැටෙනවලු

මං වැරදුනු පසු දහම් අහනවලු

තුන් සිත රවටා නිවන් සොයනවලු

**********

නිවන් මගට පාර සොයන මම

. . .හසී රන්. . .

(මේක මගේ නිර්මණයක් නොවේ. ලස්සන පණිවිඩයක් හැමෝටම දෙන නිසා දැම්මා. මෙය අපේ දහම් පාසලේ එල්ලා තිබුනු කවි පන්තියක් කාගේ නිර්මාණයක් දැයි නොදනිමි. නිර්මාණකරු මාහට කමත්වා. )